ඉන්දියාවේ පසුගිය දශකය තුළ මිලියන 16 ක මරණවලට හේතුව වායු දූෂණය බව එරට මාධ්‍ය සඳහන් කරනවා.
ඔවුන් පවසන්නේ වායු දූෂණයට නිරාවරණය වීම හේතුවෙන් සිදුවන දෛනික හා වාර්ෂික මරණ අවදානමද සැළකිය යුතු ලෙස ඉහළ ගොස් ඇති බවයි.
මේ තත්ත්වය හමුවේ ශ්වසන සහ හෘද රෝගීන් වාර්තා වීමේ ඉහළ යාමක් පෙන්නුම් කරනවා.
එසේම ශීත ඍතුවේ දී අධික වායු දූෂණ මට්ටම් හේතුවෙන් දිල්ලියේ පාසල් කිහිපයක්ම අවම වශයෙන් සති දෙකක කාලයක් වසා දමන බවද සඳහන්.
එමෙන්ම සෑම ශීත සෘතුවකම, උතුරු ඉන්දියාවේ පැතිරුණු බෝග ගිනි ගැනීම් සහ කාලගුණික තත්ත්වයන්, රථවාහන, කර්මාන්ත සහ අපද්‍රව්‍ය දහනය හේතුවෙන් දැනටමත් ඉහළ වායු දූෂණ මට්ටම්වලට එකතු වන අතර එමඟින් ඝන දුමාරයක් ගොඩනඟා, හිරු එළිය අවහිර වී වාතය හුස්ම ගැනීමට පවා අපහසු තත්ත්වයක් ඇති කරන බවයි වාර්තාවල පවසන්නේ.
මෙසේ PM2.5 ආශ්වාස කරන විට, ඒවා පෙණහලුවලට සහ රුධිර ප්‍රවාහයට ඇතුළු වන අතර එමඟින් ශරීරයේ දැවිල්ල වැනි ප්‍රතික්‍රියා වල කඳුරැල්ලක් ඇති කරයි.
මෙය හෘද රෝග, පෙනහළු රෝග, පිළිකා සහ ඩිමෙන්ශියාව වැනි නිදන්ගත රෝග කිහිපයක් ඇති කිරීමට හෝ නරක අතට හැරීමට මෙන්ම මාතෘ හා ළමා සෞඛ්‍යයට බලපාන අවදානම වැඩි කරන අතර එය අවසානයේ මාරාන්තික වීමට හැකියාව ඇති බවද එම වාර්තාවල වැඩි දුරටත් සඳහන්.
