සේවක අර්ථසාධක අරමුදල සහ සේවක භාරකාර අරමුදල වෙනුවට විශ්රාම වැටුපක් ගෙවීමට රජය සූදානම් බවට පළවන වාර්තා අසත්ය බව කම්කරු අමාත්ය ආචාර්ය අනිල් ජයන්ත මහතා පවසනවා.
අද (08) මාධ්ය වෙත ප්රකාශයක් නිකුත් කරමින් ඔහු පැවසුවේ ආණ්ඩුව එවැනි තීන්දුවක් ගෙන නොමැති බවයි.
මෙම මුදල් මහජනතාවගේ මුදල්වන බවත්, ඔවුන්ට විශ්රාම ගිය පසු කිසිදු බාධාවකින් තොරව එම මුදල් ලබා ගත හැකි බවත් ඒ මහතා වැඩිදුරටත් සඳහන් කළා.
එමෙන්ම මෙම මුදලින් 30%ක පමණ ප්රමාණයක් හදිසි අවශ්යතාවයන් සඳහා ලබා ගැනීමේ හැකියාව පවතින බවද මෙහිදී අදහස් දක්වමින් අමාත්යවරයා කියා සිටියා.
