විධායක නොවන සියලුම රාජ්‍ය සේවකයන්ගේ වැටුප රුපියල් 5000කින් ඉහළ නැංවීම පිළිබඳ ජනාධිපතිවරයාගේ අවධානය යොමුව ඇති බව ජනාධිපති කාර්යාල ආරංචි මාර්ග සඳහන් කරනවා.
ඒ අනුව පසුගියදා රාජ්‍ය සේවකයින්ට වැඩි වූ රුපියල් 10,000 දීමනාව ද සමඟ රුපියල් 15,000ක් සෑම සේවකයකුටම හිමිවනු ඇති බවයි වාර්තා වන්නේ.
රජයේ සේවකයන්ගේ වැටුප් පිළිබඳ සමාලෝචනයක් සිදු කර ලබන වසරේ සිට ඔවුන්ගේ වැටුප් සංශෝධනය කිරීම සඳහා කමිටුවක් දැනටමත් පත්කර තිබෙනවා.
එම කමිටුව පෙන්වා දෙන්නේ මේ සඳහා වැයවන මුදල යම් ආකාරයකින් ජනතාවගෙන් අය කරගත යුතු අතර එසේ නොවුණහොත් ඉදිරි මාස හතර සඳහා එය ගෙවීම ගැටලුවක් වන බවයි.
කෙසේ වෙතත් මෙය ඡන්ද තුරුම්පුවක් වන අතර එහි බර ඊළඟට පත්වන රජය මගින් දැරීමට සිදුවනු ඇති බවයි දේශපාලන විශ්ලේෂකයන් මත පල කරන්නේ.
Views Today : 7
Views Yesterday : 42