මෙවර මහමැතිවරණය සඳහා ගෑස් සිලින්ඩරය ලකුණෙන් තරග කළ නව ප්‍රජාතන්ත්‍රවාදී පෙරමුණට හිමිව ඇති ජාතික ලැයිස්තු මන්ත්‍රී ධුර දෙකකින් එකක් සඳහා රවී කරුණානායක ගේ නම් කර තිබෙනවා.
අදාළ යෝජනාව පක්ෂයේ මහලේකම් ශර්මිලා පෙරේරා විසින් මැතිවරණ ලේකම් කාර්යාලයට දැනුම්දී ඇති බව සඳහන්.
අදාළ ජාතික ලැයිස්තු මන්ත්‍රීධුරය සඳහා පසුගිය දිනවල පක්ෂය තුළ දැඩි මත ගැටුමක් නිර්මාණය වී තිබූ බවටයි තොරතුරු වාර්තා වන්නේ.
ඒ, ඉන් එක් මන්ත්‍රීධුරයක් සඳහා හිටපු අග්‍රාමාත්‍ය දිනේෂ් ගුණවර්ධන පත් නොකරන ලෙසට පක්ෂයේ ඇතැම් පිරිස් සිදු කළ ඉල්ලීම හේතුවෙන්.
නව ප්‍රජාතන්ත්‍රවාදී පෙරමුණ මෙවර මහමැතිවරණයෙන් ඡන්ද 500,835ක් ලබාගත්තා.
එහිදී ආසන තුනක් සහ ජාතික ලැයිස්තු මන්ත්‍රීධුර 02ක් හිමිව ඇති බවයි මැතිවරණ කොමිෂන් සභාව සඳහන් කළේ.
