දික්ඕවිට වරායට රැගෙන ආ මෙරට බහුදින යාත්රාවේ උර 11ක හෙරොයින් සහ අයිස් මත්ද්රව්ය අඩංගු බවට පොලිස් මත්ද්රව්ය නාශක කාර්යාංශය තහවුරු කර ඇති බව නාවික හමුදාව ප්රකාශ කළා.
එහි තිබී හෙරොයින් මත්ද්රව්ය කිලෝග්රෑම් 21කට වැඩි ප්රමාණයක් සොයා ගෙන ඇති අතර අයිස් මත්ද්රව්ය ප්රමාණය තවමත් ගණනය කරන බවයි නාවික හමුදාව සඳහන් කළේ.
ශ්රී ලංකාවට දකුණු දෙසින් වූ ගැඹුරු මුහුදේදී මත්ද්රව්ය ප්රවාහනය කළ බවට සැකපිට නාවික හමුදාව භාරයට ගත් මෙම බහුදින ධීවර යාත්රාව සැකකරුවන් 05 දෙනෙකු සමග ඉදිරි විමර්ශන කටයුතු සදහා දික්ඕවිට ධීවර වරාය වෙත රැගෙන එනු ලැබුවේ අද උදෑසනයි.
මෙම යාත්රාව ගන්දර ප්රදේශයේ සිට ධීවර කටයුතු සදහා පිටත්ව ගොස් ඇති බවටයි අනාවරණය වී ඇත්තේ.
යාත්රාවේ තිබී හමුවූ මත්ද්රව්ය සහ සැකකරුවන් වැඩිදුර විමර්ශන සදහා පොලිස් මත්ද්රව්ය නාශක කාර්යාංශයට භාර දී තිබෙනවා.
එම මත්ද්රව්ය තොගයේ ප්රමාණය හා වටිනාකම මේවනතෙක් ගණනය කර නොමැති බව සඳහන්.
