රාගම, බටුවත්ත ප්‍රදේශයේදී ‘ගනේමුල්ල සංජීව’ මහතාගේ සමීපතමයෙකු වන ‘ආමි උපුල්’ වෙඩි තබා ඝාතනය කිරීමේ සිද්ධිය සම්බන්ධයෙන් පොලිසිය විසින් විශාල පරීක්ෂණයක් ආරම්භ කර තිබුණා.

පසුගිය වසරේ ජූලි 3 වැනි දින, ත්‍රිරෝද රථයකින් පැමිණි පුද්ගලයින් දෙදෙනකු විසින් පිස්තෝල වර්ගයේ ගිනි අවියක් භාවිතා කර මෙම වෙඩි තැබීම සිදු කර පලා ගොස් ඇති බවට හෙළි වී තිබුණා.

මෙම සිද්ධිය සම්බන්ධයෙන්:

* මාර්තු 17 පෑලියගොඩ කොට්ඨාශ අපරාධ විමර්ශන කාර්යාංශය විසින් වෙඩි තැබීමට සම්බන්ධ තුවක්කුකරුවෙකු අත්අඩංගුවට ගෙන තිබුණා.
* මාර්තු 18 මාදම්පේ ප්‍රදේශයේ තුවක්කුකරුට ප්‍රවාහන පහසුකම් සැපයූ සැකකරුවෙකු (29) අත්අඩංගුවට ගෙන තිබුණා.
* අත්අඩංගුවට ගත් සැකකරුගේ නිවසේ තිබී බෝර 12 ගිනි අවිය, බෝර 12 පතොරම් 14, ව්‍යාජ අංක සහිත යතුරුපැදියක් පොලිස් භාරයට ගෙන තිබෙනවා.
* මාර්තු 19 ආධාර සහ අනුබල දුන් තවත් සැකකරුවෙකු (35) වැල්ලම්පිටියේදී අත්අඩංගුවට ගෙන තිබුණා.

ඇතුළු විමර්ශන මඟින් පසුගිය වසරේ ජූලි 14 දින මාදම්පේ ප්‍රදේශයේදී සිදු වූ කඩු ප්‍රහාරයකට සම්බන්ධ සැකකරුවන් දෙදෙනාද හඳුනාගෙන තිබෙනවා.

අත්අඩංගුවට ගත් සියලු සැකකරුවන් රාගම පොලිස් ස්ථානයට භාර දී ඇති අතර, පොලිසිය වැඩිදුර පරීක්ෂණ සිදු කරමින් පවතිනවා.