ඊයේ (අප්රේල් 4) දහවල්, කෙහෙල්ගමු ඔය නදියේ සිදු වූ දුක්බර සිදුවීමක් හේතුවෙන් පාසල් සිසුවෙකු අතුරුදහන් වී ඇති බව වාර්තා වනවා.
අතුරුදහන් වූ සිසුවා නොවුඩ් දමිළ මහා විද්යාලයේහි 11 ශ්රේණියේ ඉගෙනුම ලබන සිසුවෙකු බව හඳුනාගෙන තිබෙනවා.
වාර්තා අනුව, ඔහු තම මිතුරන් සමඟ නොවුඩ් ප්රදේශයේ “රිදී වල” ලෙස හැඳින්වෙන ස්ථානයක දිය නාමින් සිටියදී දියේ ගිලී අතුරුදහන් වී තිබෙනවා. මෙම ස්ථානය ගඟේ ගැඹුරු කොටසක් බව පැවසේ.
මිතුරන් විසින් ඔහුව බේරා ගැනීමට උත්සාහ කළද, ගැඹුරු ජලය හේතුවෙන් එය අසාර්ථක වී තිබෙනවා.
මෙම සිද්ධිය පිළිබඳව නොවුඩ් පොලිසිය වෙත දැනුම් දීමෙන් අනතුරුව, අතුරුදහන් වූ සිසුවා සොයා සෝදිසි මෙහෙයුම් ආරම්භ කර තිබෙනවා.
