සමාජ මාධ්ය තර්ජන චෝදනා මත රාජාංගනේ සද්ධාරතන අත්අඩංගුවට
මහජන ආරක්ෂක අමාත්ය ආනන්ද විජේපාල මහතා සහ පොලිස්පති ප්රියන්ත වීරසූරිය මහතා වෙත සමාජ මාධ්ය හරහා තර්ජනාත්මක ප්රකාශ නිකුත් කළ බවට චෝදනා කරමින්, මධ්යම අපරාධ විමර්ශන කාර්යාංශය (CCIB) විසින් රාජාංගනේ සද්ධාරතන නම් චීවරධාරියෙකු අත්අඩංගුවට ගෙන ඇති බව පොලිසිය වාර්තා වනවා.
පොලිස් ආරංචි මාර්ග වලට අනුව, සමාජ මාධ්ය ඔස්සේ පළ වූ වීඩියෝ සහ ප්රකාශ කිහිපයක් සම්බන්ධයෙන් සිදු කළ විමර්ශනවලට අනුව මෙම අත්අඩංගුවට ගැනීම සිදුකර තිබෙනවා.
සංඝ සමාජයෙන් නෙරපා හැරීමත් විශාල කතාබහක්
2025 අප්රේල් 2 වනදා ලංකා රාමඤ්ඤ මහා නිකායේ ක්රියාකාරී කමිටුව විසින් රාජාංගනේ සද්ධාරතන හිමියන් සංඝ සමාජයෙන් නෙරපා හැරීමට තීරණය කර තිබුණා.
එම තීරණය එවකටද දැඩි සමාජ හා ආගමික විවාදයක් ඇති කළ අතර, සමාජ මාධ්ය තුළ විශාල අවධානයක් දිනා තිබුණා.
මතභේදාත්මක ප්රකාශ හා සමාජ මාධ්ය බලපෑම
යූටියුබ් නාලිකාවක් පවත්වාගෙන ගිය රාජාංගනේ සද්ධාරතන, පසුගිය කාලය තුළ දේශපාලන සහ සමාජ කරුණු සම්බන්ධයෙන් දැඩි හා මතභේදාත්මක ප්රකාශ නිකුත් කරමින් ජන අවධානයට ලක්ව සිටියා.
ඔහුගේ ප්රකාශ සම්බන්ධයෙන් සමාජ මාධ්ය තුළ විවිධ අදහස් පළ වූ අතර, ඇතැම් පාර්ශව ඒවා ප්රකාශන නිදහස ලෙස හඳුන්වද්දී තවත් පිරිසක් ඒවා තර්ජනාත්මක සහ සමාජ අසමගිය ඇති කළ හැකි බවට චෝදනා කළා.
වැඩිදුර විමර්ශන අරඹයි
මෙම සිද්ධිය සම්බන්ධයෙන් මධ්යම අපරාධ විමර්ශන කාර්යාංශය වැඩිදුර පරීක්ෂණ සිදුකරමින් සිටින අතර, අත්අඩංගුවට ගත් සැකකරු අධිකරණයට ඉදිරිපත් කිරීමට නියමිත බව වාර්තා වනවා.
