රාජ්ය මාධ්ය වාර්තා අනුව, චීනයේ ඊසානදිග ෂැන්සි පළාතේ ගල් අඟුරු පතලක සිදු වූ ගෑස් පිපිරීමකින් අවම වශයෙන් පුද්ගලයින් 8 දෙනෙකු මියගොස්, තවත් 38 දෙනෙකු භූගතව සිරවී සිටින බව වාර්තා වනවා.
අනතුර සිදුවූ ස්ථානය
චැංෂි නගරයේ පිහිටි ලියුෂෙන්යු ගල් අඟුරු පතලේ, චීන වේලාවෙන් සවස 7.30ට මෙම පිපිරීම සිදුව ඇති අතර, එම අවස්ථාවේ කම්කරුවන් 247 දෙනෙකු භූගතව සිටි බව සඳහන් වනවා.
ගලවා ගැනීමේ මෙහෙයුම් අඛණ්ඩව
සෙනසුරාදා පෙ.ව. 6.00 වනවිට 201 දෙනෙකු ආරක්ෂිතව ඉවත් කර තිබුණද, තවත් පිරිසක් සොයා මෙහෙයුම් තවදුරටත් ක්රියාත්මක වනවා.
අවදානම කලින්ම දැන තිබෙනවා?
ෂින්හුවා පුවත් සේවය මීට පෙර වාර්තා කර තිබුණේ, පතල තුළ කාබන් මොනොක්සයිඩ් මට්ටම සීමාව ඉක්මවා තිබූ බවයි.
හේතුව සොයා බලමින් චීන බලධාරීන් විමර්ශන ආරම්භ කර තිබෙනවා.
චීනයේ ගල් අඟුරු නිෂ්පාදනයේ ප්රධාන මධ්යස්ථානයක් වන මෙම ෂැන්සි පළාත, දුර්වල ආරක්ෂක වාර්තා සහ පතල් අනතුරු රැසකට කාලයෙන් කාලයට මුහුණ දී ඇති බව වාර්තා වනවා.