විශේෂඥ වෛද්යවරුන් සඳහා වන සේවා ව්යවස්ථාව කෙටුම්පත් කිරීම සඳහා කමිටුවක් පත් කිරීමට සෞඛ්ය හා ජනමාධ්ය අමාත්යාංශය පියවර ගෙන තිබෙනවා.
සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතාගේ උපදෙස් පරිදියි මෙම කමිටුව පත් කර ඇත්තේ.
එම අමාත්යාංශය පැවසුවේ විශේෂඥ වෛද්යවරුන්ට අදාළ කරුණු සම්බන්ධයෙන් ජනාධිපතිවරයාගේ ප්රධානත්වයෙන් ඊයේ (18) පාර්ලිමේන්තුවේ දී පැවති සාකච්ඡාවෙන් අනතුරුව මෙම කමිටුව පත් කිරීමට සෞඛ්ය හා ජනමාධ්ය අමාත්යාංශයේ ලේකම් විශේෂඥ වෛද්ය අනිල් ජාසිංහ මහතා කටයුතු කළ බවයි.
ඒ අනුව, සෞඛ්ය හා ජනමාධ්ය අමාත්යාංශයේ විශේෂඥ වෛද්යවරුන් සඳහා වන සේවා ව්යවස්ථාව කෙටුම්පත් කිරීම සඳහා වන කමිටුවේ සභාපති ලෙස සෞඛ්ය සේවා අධ්යක්ෂ ජනරාල් වෛද්ය අසේල ගුණවර්ධන මහතාත්, කමිටුවේ සෙසු සාමාජිකයින් ලෙස අධ්යක්ෂ ජනරාල් (වෛද්ය සේවා) වෛද්ය අර්ජුන තිලකරත්න, නියෝජ්ය අධ්යක්ෂ ජනරාල් (වෛද්ය සේවා II) වෛද්ය සමිද්ධි සමරකෝන් මහත්මිය, නීති නිලධාරී වෛද්ය චාමින්දිකා හේරත් පත් කිරීමට විශේෂඥ වෛද්ය අනිල් ජාසිංහ මහතා කටයුතු කර තිබෙනවා.
එතුමා වැඩිදුරටත් කමිටුවට උපදෙස් ලබා දී ඇත්තේ 2026 ජනවාරි 20 වන දිනට පෙර සේවා ව්යවස්ථා කෙටුම්පත සකස්කර ඉදිරිපත් කරන ලෙසයි.
