සමගි ජන බලවේගයේ ජනාධිපති ධුර අපේක්ෂක සජිත් ප්‍රේමදාසගේ මිනුවන්ගොඩ නගරයේ ඊයේ (05) පැවැත්වුණු ජන රැලියට ඒ.ජේ.එම්. මුසම්මිල් සහ නන්දිමිත්‍ර ඒකනායක එක් වී තිබෙනවා.
එසේම, ශ්‍රී ලංකා ක්‍රිකට් කණ්ඩායමේ හිටපු වේගපන්දු යවන්නෙකු වන තිළිණ තුෂාර මිරැන්ඩු ද සජිත් ප්‍රේමදාස ට සහාය පළ කරමින් එම වේදිකාවට ගොඩ වී තිබෙනවා.
මුසම්මිල් 2011 සිට 2016 දක්වා කොළඹ නගරාධිපති ලෙස කටයුතු කළ අතර, 2017 – 2019 යහපාලන ආණ්ඩුව සමයේදී ඔහු මැලේසියාවේ ශ්‍රී ලංකා තානාපතිවරයා ලෙස කටයුතු කර තිබෙනවා.
අනතුරුව ඔහුව 2019 වසරේදී බස්නාහිර පළාතේ ආණ්ඩුකාරවරයා ලෙස පත්කර තිබෙන අතර 2020 වසරේදී හිටපු ජනාධිපති ගෝඨාභය රාජපක්ෂ ඔහුව ඌව පළාතේ ආණ්ඩුකාර ධුරයට පත්කර තිබෙනවා.
එසේම, නන්දිමිත්‍ර ඒකනායක හිටපු කැබිනට් අමාත්‍යවරයෙකු සහ හිටපු මධ්‍යම පළාත් ප‍්‍රධාන අමාත්‍යවරයෙක්.
Views Today : 7
Views Yesterday : 42