2025 අදියර ඇතුළුව IPL තරගාවලියේ ඉදිරි තරගාවලි තුනක් පැවැත්වෙන කාලසීමාවන් නිවේදනය කර තිබෙනවා.
මෙය අදියර තුනකින් තරග පැවැත්වෙන කාලසීමාවක් ප්‍රසිද්ධියට පත්කළ පළමු අවස්ථාව බව සඳහන්.
ඒ අනුව එළැඹෙන 2025 අදියර මාර්තු 14 වනදා ආරම්භ වන අතර, එහි අවසන් මහා තරගය මැයි 25 වනදා පැවැත්වීමට කටයුතු යොදා තිබෙනවා.
2026 තරගවාරය මාර්තු 15 වනදා ආරම්භ වී මැයි 31 දක්වා පැවැත්වෙන අතර, 2027 තරගවාරය මාර්තු 14 සිට මැයි 30 දක්වා පැවැත්වීමට ඉන්දීය ක්‍රිකට් පාලක මණ්ඩලය තීරණය කර තිබෙන්නේ.
නමුත් මෙම වසරේ පැවැත් වූ තරග සංඛ්‍යාවට වඩා එළැඹෙන අදියර දෙකේ තරග සංඛ්‍යාව වැඩිකර ඇති බවටයි වාර්තා වෙන්නේ.
ඒ අනුව 2025 හා 2026 අදියරයන්හි තරග සංඛ්‍යාව 84ක් දක්වා වැඩිකර තිබෙන අතර 2027 වසර සඳහා එම සංඛ්‍යාව තරග 94ක් දක්වා ඉහළ දමා තිබෙනවා.
මෙම වසරේදී පැවැත්වූ IPL තරගාවලියට ඇතුළත් වූයේ තරග 74කි.
