ශ්‍රී ලංකාව හා දකුණු අප්‍රිකාව අතර දෙවන ටෙස්ට් ක්‍රිකට් තරගය අද(05) ආරම්භ වනවා.
එය ශ්‍රී ලංකා වේලාවෙන් පස්වරු 1.30ට ආරම්භ වීමට නියමිතයි.
තරගාවලියේ පළමු තරගයේ දී ශ්‍රී ලංකා කණ්ඩායම ලකුණු 233කින් පරාජයට පත්වුණා.
ඒ හේතුවෙන් තරගාවලිය ජය පරාජයෙන් තොරව අවසන් කර ගැනීමට නම් මෙම තරගය ශ්‍රී ලංකාව ජයග්‍රහණය කළ යුතුයි.
එමෙන්ම කණ්ඩායම් දෙකටම ලෝක ටෙස්ට් ශුරතාවලියේ අවසන් මහ තරගයේ බලාපොරොත්තු තබා ගැනීමට ද මෙම තරගයේ ජයග්‍රහණය වැදගත්.
මේ වන විට ලෝක ශුරතා ටෙස්ට් තරගාවලියේ ලකුණු සටහනේ දෙවන ස්ථානයේ දකුණු අප්‍රිකාව රැඳී සිටින අතර ශ්‍රී ලංකාව රැදි සිටින්නේ සිව්වන ස්ථානයේයි.
ඒ අනුව ලකුණු සටහනේ පළමු සහ දෙවන ස්ථාන ලබා ගන්නා කණ්ඩායම් අවසන් මහ තරගයට ක්‍රීඩා කරනු ඇති.
මේ වන විට ඉන්දියාව ලෝක ටෙස්ට් ශුරතා තරගාවලියේ ලකුණු සටහනේ පෙරමුණේ පසුවනවා.
