ශ්රී ලංකා පොදුජන පෙරමුණේ, ජාතික සංවිධායක නාමල් රාජපක්ෂට එරෙහිව ප්රවාහන අමාත්ය බන්දුල ගුණවර්ධන විසින් පොලිසියට පැමිණිල්ලක් සිදු කර තිබෙනවා.
ඒ, තමන්ට කිසිදු දැනුම්දීමකින් තොරව හෝමාගම ප්රදේශයේ රැස්වීමක් සංවිධාන කළ බව පවසමින්.
එලෙස සිදු කිරීමෙන් ඔහු පක්ෂ විනය කඩ කර ඇති බවයි, අමාත්යවරයා පෙන්වා දෙන්නේ.
කෙසේ වෙතත්, මේ සම්බන්ධයෙන් ක්රියා කිරීමට නොහැකි බව ද පොලිසිය එහි දී සඳහන් කර තිබෙනවා.
එසේම, මෙම සිද්ධිය සම්බන්ධයෙන් අදහස් දක්වමින් , හිටපු අමාත්ය නාමල් රාජපක්ෂ සඳහන් කර ඇත්තේ, හිටපු පළාත් සභා මන්ත්රී ජනක වැලිවත්තගේ ආරාධනය පරිදි ඔහුගේ නිවසට පැමිණි බවයි.
ඒ අනුව, එහි තේ පැන් සංග්රහයකටද සහභාගී වූ බවත්, පාක්ෂිකයින් රැසක් තමා හමුවීමට පැමිණි බවත් ඔහු වැඩිදුරටත් සඳහන් කර තිබෙනවා.
එමෙන් ම බන්දුල ගුණවර්ධන පසුගිය කාල සීමාව තුළ නෙළුම් මාවතේ පක්ෂ කාර්යාලයට හෝ පැමිණ නොමැති බව ද දේශපාලන ආරංචි මාර්ග සඳහන් කළා.
![Lanka Hit News](https://secure.gravatar.com/avatar/403db0c9ef6805ee5818383b12ef7a4e?s=96&r=g&d=https://lankahitnews.com/wp-content/plugins/userswp/assets/images/no_profile.png)