ශ්‍රී ලංකා මලල ක්‍රීඩක අරුණ දර්ශන මීට සුළු මොහොතකට පෙර නිමාව දුටු පැරිස් ඔලිම්පික් 2024 පිරිමි මීටර් 400 අවසන් පූර්ව තරගාවලියේදී පස්වන ස්ථානය මෙරටට ලබා දීමට සමත් වුණා.
මෙරට වේලාවෙන් අද (06) රාත්‍රී 11:12ට පමණ මෙම තරඟය පැවැත්වුණා.
එම ඉසව්වේදී අරුණ දර්ශන තත්පර 44 යි දශම 75 ක් ලබාගනිමින් 05 ස්ථානය ලබා ගැනීමට සමත් වුණා.
එම කාලය ඔහුගේ පෞද්ගලික හොඳම කාලයයි.
පිරිමි මීටර 400 ඉසව්වේ දී තත්පර 43 යි දශම 78ක් ලබාගත් Kirani James ප්‍රථම ස්ථානය ලබා ගැනීමට සමත් වුණා.
එම ඉසව්වේ දෙවන ස්ථානයට පත් වූ Muzala Samukonga තත්පර 43 යි දශම 81ක කාලයක් වාර්තා කළා.
තෙවන ස්ථානයට පත්වූ Christopher Bailey වාර්තා කළ කාලය 44 යි දශම 31 ක්
2024 පැරිස් ඔලිම්පික් උළෙලේ මීටර් 400 පිරිමි ධාවන ඉසව්ව සඳහා ශ්‍රී ලංකාව නියෝජන කරමින් සහභාගි වූ අරුණ දර්ශන එහි අවසන් අවසන් පුර්ව වටයට සුදුසුකම් ලබාගත්තා.
එහිදී ඔහු තත්පර 44.99කින් තරගය අවසන් කරමින් තුන්වන ස්ථානයට පත්වුණා.
