ග්රැන්ඩ්පාස් හැටේවත්ත ප්රදේශයේ ඉඩමක තිබී ටී-56 වර්ගයේ ගිනිඅවියක් සහ එම පතරොම් 27ක් සොයාගෙන තිබෙනවා.
පොලිසිය පැවසුවේ අදාළ ප්රදේශයේ හිස් ඉඩමක තිබී අදාළ ගිනිඅවිය සහ පතරොම් සොයාගෙන ඇති බවයි.
සිද්ධිය සම්බන්ධයෙන් CCTV දර්ශන ඔස්සේ සිදුකළ විමර්ශනවල දී එම ස්ථානයට ගිනිඅවිය ගෙනවිත් දමන පුද්ගලයා අනාවරණය වී ඇති අතර ඔහු මේ වන විට අත්අඩංගුවට ගෙන තිබෙනවා.
එම සැකකරු 67 හැවිරිදි කොළඹ 14 ප්රදේශයේ පදිංචිකරුවෙක්.
මේ අතර පිළියන්දල ප්රදේශයේ තිබී විදේශ රටක නිෂ්පාදිත පිස්තෝල වර්ගයේ ගිනිඅවියක් පොලීසිය විසින් සොයාගෙන තිබෙනවා.
බස්නාහිර පළාත උතුර අපරාධ කොට්ඨාසයේ නිලධාරීන්ට ලැබුණු තොරතුරකට අනුව මෙම ගිනිඅවිය සොයාගෙන ඇති බවයි පොලීසිය සඳහන් කළේ.
කවුරුන් විසින් මෙම ගිනිඅවිය ගෙනවිත් ඇත් ද යන්න සම්බන්ධයෙන් තොරතුරු අනාවරණය වී නොමැති අතර බස්නාහිර පළාත උතුර අපරාධ කොට්ඨාසය මේ සම්බන්ධයෙන් වැඩිදුර විමර්ශන සිදුකරනු ලබයි
