ඕස්ට්රේලියාවේ වඩාත්ම ජනාකීර්ණ ප්රාන්තය වන සියානා, බොන්ඩි වෙරළ තීරයේ ත්රස්ත ප්රහාරයෙන් පසු මහජන ආරක්ෂාව පිළිබඳ ගැටළු මතුවීම හේතුවෙන් විරෝධතා සහ මහජන රැස්වීම් සඳහා පැනවූ තාවකාලික තහනම තවත් දින 14 කට දීර්ඝ කර තිබෙනවා.
නිව් සවුත් වේල්ස් පොලිස් කොමසාරිස් Mal Lanyon අද පැවසුවේ හදිසි ප්රකාශය සමාලෝචනය කළ බවත්, ඉදිරි සති දෙක තුළ මහජන රැස්වීම් බිය සහ මහජන ආරක්ෂක ගැටළු ඇති කිරීමට හේතුවක් වන්නට හැකි බවට තීරණය කළ බවයි.
එහි ප්රතිඵලයක් ලෙස, එම කාලය තුළ පෙළපාලි අනවසර දෙයක් ලෙස සලකනු ලබන බවයි ඔහු ප්රකාශ කළේ.
Lanyon මහතා වැඩිදුරටත් අවධාරණය කළේ මෙම පියවර “භාෂණයේ අයිතිය නතර කිරීම ගැන නොව , ප්රජාවට “ආරක්ෂිත බවක් දැනීමට” කාලය ලබා දීම ගැන බවත්, ඊට ගෞරවය දක්වමින් සහ සාමකාමීව සිටීමට ජනතාවගෙන් ඉල්ලා සිටින බවයි.
“අපි අසාමාන්ය කාලයක ඉන්නේ,” “මෙම නීතිය සම්මත කර ඇත්තේ ප්රජාව තුළ සන්සුන් භාවය සහතික කිරීම සඳහා ය.” යනුවෙනුයි ඔහු එහිදී පැවසුවේ.
දෙසැම්බර් මාසයේ හනුක්කා සැමරුමකදී ISIS අනුදැනුම ලත් තුවක්කුකරුවන් දෙදෙනෙකු විසින් පුද්ගලයින් 15 දෙනෙකු ඝාතනය කළ මාරාන්තික බොන්ඩි ප්රහාරයෙන් පසුව මෙම තාවකාලික තහනම පනවනු ලැබුවා.
මේ අතර ජනාධිපති නිකොලස් මධුරෝ සහ ඔහුගේ බිරිඳ අල්ලා ගැනීමට හේතු වූ වෙනිසියුලාවට එල්ල කළ ඇමරිකානු ප්රහාරවලට එරෙහිව අනවසර විරෝධතා පැවැත්වීම සම්බන්ධයෙන් ජනවාරි 4 වන දින ඕස්ට්රේලියානු පොලිසිය විසින් තිදෙනෙකු අත්අඩංගුවට ගත් බවද විදෙස් මාධ්ය වාර්තාවල සඳහන්.
