ශ්‍රී ලංකා සංචාරක කර්මාන්තයට තවත් ශක්තිමත් ආරම්භයක් සනිටුහන් කරමින්, මාර්තු මාසයේ මුල් දින 18 තුළ සංචාරකයින් 109,410 දෙනෙකු දිවයිනට පැමිණ ඇති බව ශ්‍රී ලංකා සංචාරක සංවර්ධන අධිකාරිය (SLTDA) දැනුම් දී තිබෙනවා.

මෙම කාලය තුළ සංචාරක පැමිණීම්වලින් 25% කට ආසන්න ප්‍රතිශතයක් සමඟ ඉන්දියාව ප්‍රමුඛ මූලාශ්‍ර වෙළඳපොළ ලෙස පවතින අතර, එක්සත් රාජධානිය, රුසියාව සහ චීනයද වැඩි දායකත්වය ලබාදී තිබෙනවා.

ජර්මනිය සහ ඕස්ට්‍රේලියාව වැනි රටවල් ද සෘජුවම දායක වෙමින්, ශ්‍රී ලංකාවට ඇති ජාත්‍යන්තර ආකර්ෂණය තවදුරටත් විවිධත්වයෙන් යුතුව ඉහළ යමින් පවතින බව මෙම දත්ත මගින් පෙන්නුම් කර තිබෙනවා.

මේ අතර, 2026 ජනවාරි 1 සිට මාර්තු 18 දක්වා සමස්ත සංචාරක පැමිණීම් 666,065 දක්වා ඉහළ ගොස් ඇති අතර, ඉන්දියාව, එක්සත් රාජධානිය සහ රුසියාව මෙහි ප්‍රමුඛ රටවල් ලෙස ගැනෙනවා.