2025 වසරේදී මේ දක්වා සහල් සම්බන්ධ මුළු වැටලීම් 3,000කට ආසන්න ප්රමාණයක් සිදුකර ඇතැයි පාරිභෝගික කටයුතු පිළිබඳ අධිකාරිය පවසනවා.
එසේම,වැඩි මිලට සහල් අලෙවි කිරීම, සහල් තොග සඟවා තැබීම, පාරිභෝජනයට නුසුදුසු සහල් අලෙවි කිරීම් ඇතුළු සහල් සම්බන්ධ විවිධ ප්රමාණයේ වැටලීම් 3,000ක් මේ වන විට සිදුකර ඇති බවයි සඳහන් වන්නේ.
එමෙන්ම වැඩි මිලට සහල් විකිණීම් සම්බන්ධ වැටලීම් දහසකට අධික ප්රමාණයක් සිදුකර ඇති බවද පැවසූ එම අධිකාරිය , ඒ මගින් පුද්ගලයින් 900කට අධික ප්රමාණයකට අධිකරණය හමුවේ නඩු පැවරීමටද කටයුතු කළ බවද සඳහන් කළා.
පාරිභෝගික අධිකාරිය පැවසුවේ සහල් අලෙවියේදී වැඩි මිලට අලෙවි කරන තනි පුද්ගල ව්යාපාරිකයෙකුට එරෙහිව නඩු පැවරීමේදී ඔහු වරදකරු වුවහොත් රුපියල් ලක්ෂයේ සිට රුපියල් ලක්ෂ 5 දක්වා දඩ මුදලක් හෝ මාස 5ක සිර දඬුවමක්ද නියම කළ හැකි බවත් නැතහොත් එම දඩ මුදල හෝ සිර දඬුවම යන දෙකම නියම කිරීමටද හැකියාවක් ඇති බවත් ය.
