මුදල් සහ ක්රමසම්පාදන නියෝජ්ය අමාත්යවරයා ලෙස දිවුරුම් දුන් ආචාර්ය අනිල් ජයන්ත ප්රනාන්දු සහ ආර්ථික සංවර්ධන නියෝජ්ය අමාත්යවරයා ලෙස දිවුරුම් දුන් නිශාන්ත ජයවීර යන මහත්වරු අද (13) පෙරවරුවේ මුදල් අමාත්යාංශයේදී සිය ධුරවල වැඩ භාර ගනු ලැබුවා.
එහිදී අදහස් දක්වමින් නියෝජ්ය අමාත්ය අනිල් ජයන්ත ප්රනාන්දු මහතා කියා සිටියේ අමාත්ය ධුරයක් හිමි වීම වරප්රසාද හිමිවීමක් ලෙස අර්ථකථනය කිරීම ඉතිහාසයට එක් වූ අදහසක් බවත්, එය සැබැවින්ම වරප්රසාද හිමිවීමක් නොව වගකීමක් හිමිවීමක් බවයි.
මෙහිදී අදහස් දැක් වූ ආර්ථික සංවර්ධන නියෝජ්ය අමාත්යවරයා ශ්රී ලංකාව බරපතළ ආර්ථික අර්බුදයකින් ගොඩ ගැනීම සඳහා සිය දායකත්වය ලබා දුන් නිලධාරින්, රට තවදුරටත් ආර්ථික වශයෙන් ඉදිරියට රැගෙන යාම සඳහාද සහාය ලබා දෙනු ඇති බවට විශ්වාසය පළ කළා.
මුදල්, ක්රමසම්පාදන සහ ආර්ථික සංවර්ධන අමාත්යාංශයේ ලේකම් ආචාර්ය හර්ෂණ සූරියප්පෙරුම මහතා ඇතුළු එම අමාත්යාංශයේ නිලධාරීන් පිරිසකුයි මෙම අවස්ථාවට එක්ව සිටියේ.
