ආපදාවන්ට ලක් වූ ජනතාවට සහන සැලසීමේ අරමුණින් හා අවශ්ය සුදුසු ක්රියාමාර්ග ගැනීමේ අරමුණින් මහජන නියෝජිතයාගේ වගකීම ඉටුකිරීමට, පාර්ලිමේන්තු ස්ථාවර නියෝග අංක 16 යටතේ පාර්ලිමේන්තුව කැඳවන මෙන් ශ්රී ලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්රී නාමල් රාජපක්ෂ මහතා ඉල්ලීමක් කර තිබෙනවා.
අග්රාමාත්ය ආචාර්ය හරිනි අමරසූරිය මෙනෙවිය වෙත ලිපියක් ඉදිරිපත් කරමිනුයි ඔහු මේ බව සඳහන් කර ඇත්තේ.
පසුගිය දිනවල පැවති අයහපත් කාලගුණික තත්ත්වයෙන් රටේ දිස්ත්රික්ක ගණනාවක විශාල පිරිසකගේ ජීවිත මෙන්ම දේපල හානි ද සිදු වූ බව නාමල් රාජපක්ෂ මහතා එම ලිපියේ දක්වා තිබෙනවා.
මෙයින් ජන ජීවිතවලට මෙන්ම රටේ ආර්ථිකයට ද බරපතළ හානි සිදු වූ අතර එය අදටත් නිශ්චිතව ගණනය කළ නොහැකි බවද අදාළ ලිපියේ සඳහන්.
එමෙන්ම ඔහු ප්රකාශ කර ඇත්තේ මෙවැනි ව්යසනකාරී අවස්ථාවක මහජන නියෝජිතයින් වශයෙන් ඉතා ඉක්මනින් වගකීම් සහගතව මැදිහත් විය යුතු බවයි.
ජන ජීවිතය සෑම අංශයකින්ම යථා තත්ත්වයට පත්කිරීම සඳහා ආණ්ඩුව මීට වඩා විධිමත්ව මැදිහත් විය යුතු බවයි නාමල් රාජපක්ෂ මහතා එහි වැඩිදුරටත් දක්වන්නේ.