ජල ගැලීම්, ගංවතුර, නායයෑම් සහ මාර්ග අවහිරතා හේතුකොටගෙන සේවයට නොපැමිණි රාජ්ය නිලධාරීන් සඳහා විශේෂ නිවාඩු ලබාදීමට රජය තීරණය කර තිබෙනවා.
ඊට අදාළ චක්රලේඛය රාජ්ය පරිපාන, පළාත් සභා සහ පළාත්පාලන අමාත්යාංශ ලේකම්වරයා විසින් සියලු අමාත්යාංශ ලේකම්වරුන්, පළාත් ප්රධාන ලේකම්වරුන් සහ දෙපාර්තමේන්තු ප්රධානීන් වෙත ඊයේ (16) දිනයේ නිකුත් කිරීමටයි පියවර ගෙන ඇත්තේ.
ඒ අනුව දිට්වා සුළි කුණාටුව හේතුවෙන් සිය පදිංචි ස්ථානයේ සිට සේවා ස්ථානය වෙත පොදු ප්රවාහන සේවා ඇණ හිටීම නිසා සේවයට වාර්තා කිරීමට නොහැකි වූ නිලධාරීන් මාර්ග අවහිර වීම හේතුවෙන් හෝ ව්යසනයන්ගෙන් විපතට පත්වීම හේතුවෙන් සේවයට වාර්තා කිරීමට නොහැකි වූ නිලධාරීන් සඳහා මෙම විශේෂ නිවාඩු ලබාදීම සිදුවනු ඇති.
එම විශේෂ නිවාඩු ලබාගැනීම සඳහා තමාට රාජකාරියට වාර්තා කිරීමට නොහැකි වූ හේතුව සඳහන් කරමින් ප්රාදේශීය ලේකම් විසින් සහතික කරන ලද තම ප්රදේශයේ ග්රාම නිලධාරීගේ නිර්දේශය, සහිත ඉල්ලීම ආයතන ප්රධානියා වෙත ඉදිරිපත් කළයුතු වනවා.
එහිදී ප්රාදේශීය ලේකම්වරයා විසින් සහතික කරන ලද නිලධරයාගේ ඉල්ලීම ආයතන ප්රධානියා විසින් පරීක්ෂා කර එහි නිරවද්යතාව පිළිබඳ පෞද්ගලිකවම සෑහිමකට පත්විය හැකිනම් පමණක් සේවයට වාර්තා කිරීමට නොහැකි වූ දින ගණන සඳහා විශේෂ නිවාඩු අනුමැතිය සඳහා දෙපාර්තමේන්තු ප්රධානියා වෙත ඉදිරිපත් කළ යුතු බවයි එම චක්රලේඛයේ දැක්වෙන්නේ.
එමෙන්ම රාජ්ය පරිපාලන, පළාත් සභා සහ පළාත් පාලන අමාත්යංශය වැඩිදුරටත් දැනුම් දී ඇත්තේ මෙම විශේෂ නිවාඩු ලබාදීම නොවැම්බර් සහ දෙසැම්බර් යන මාසවලට අදාළව පමණක් සිදුකළ යුතු බවයි.