රජයේ වෛද්ය නිලධාරීන්ගේ සංගමයේ හදිසි විධායක කමිටු රැස්වීමක් අද (07) දිනයේ පැවැත්වීමට නියමිතව තිබෙනවා.
අම්පාර දිස්ත්රික්කයේ වෛද්ය ස්ථානමාරුවීම් සම්බන්ධයෙන් මතුව ඇති ගැටලුව පිළිබඳව සාකච්ඡා කිරීම මෙහි අරමුණ බවයි එම සංගමයේ සහකාර ලේකම් වෛද්ය හංසමාල් වීරසූරිය මහතා සඳහන් කළේ.
අම්පාර දිස්ත්රික්කයේ සෞඛ්ය පරිපාලනය විසින් අත්තනෝමතික ලෙස වෛද්ය මාරුවීම් සිදුකිරීමට විරෝධය පළකරමින් මේවන විට රජයේ වෛද්ය නිලධාරීන්ගේ සංගමය එම දිස්ත්රික්කය තුළ වෘත්තීය සමිති ක්රියාමාර්ගයක් ආරම්භ කර තිබෙනවා.
එම සංගමයේ සහකාර ලේකම්වරයා කියා සිටියේ මෙතෙක් අදාළ ගැටලුව සඳහා රජයේ අවධානය යොමුවී නොමැති බැවින් සිය වෘත්තීය සමිති ක්රියාමාර්ගය සම්බන්ධයෙන් ගනු ලබන ඉදිරි ක්රියාමාර්ග පිළිබඳව අද දිනයේ තීරණය කරන බවයි.
