2026 වසර ආරම්භයේ සිට මේ දක්වා ශ්‍රී ලංකාවට පැමිණි සංචාරකයින්ගේ සංඛ්‍යාව ලක්ෂ 6 ඉක්මවා ඇති බව ශ්‍රී ලංකා සංචාරක සංවර්ධන අධිකාරිය (SLTDA) විසින් නිවේදනය කර තිබෙනවා.

නවතම දත්ත අනුව, 2026 ජනවාරි 01 සිට මාර්තු 08 දක්වා කාලය තුළ සංචාරකයින් 604,301 දෙනෙකු ශ්‍රී ලංකාවට පැමිණ ඇති බව වාර්තා වනවා.

එමෙන්ම මාර්තු මාසයේ පළමු දින 8 තුළ පමණක් සංචාරකයින් 47,646 දෙනෙකු දිවයිනට පැමිණ ඇති බවද වාර්තා වනවා.

රටවල් අනුව බලන විට, වැඩිම සංචාරකයින් පැමිණ ඇත්තේ ඉන්දියාවන් වන අතර එය 11,345 දෙනෙකු (24%) ලෙස සටහන් වේ. ඊට අමතරව Russia සිට 4,388 දෙනෙකු, United Kingdom සිට 4,136 දෙනෙකු, China සිට 4,032 දෙනෙකු සහ Germany සිට 3,634 දෙනෙකු ශ්‍රී ලංකාවට පැමිණ තිබෙනවා.

මෙම වර්ධනය රටේ සංචාරක කර්මාන්තය නැවත ශක්තිමත් වෙමින් පවතින බවට පැහැදිලි සලකුණක් ලෙස සැලකෙන අතර, ඉදිරි මාසවලදී සංචාරක පැමිණීම් තවදුරටත් ඉහළ යා හැකි බවට අපේක්ෂා කෙරේ.