දිවයිනේ නිරිතදිග ප්රදේශවල දැනට පවතින වැසි සහ සුළං තත්ත්වය තවදුරටත් අපේක්ෂා කරන බව කාලගුණ විද්යා දෙපාර්තමේන්තුව පවසනවා.
එම දෙපාර්තමේන්තුව නිවේදනයක් නිකුත් කරමින් සඳහන් කරන්නේ බස්නාහිර සහ සබරගමුව පළාත්වල මෙන්ම ගාල්ල, මාතර, මහනුවර සහ නුවරඑළිය දිස්ත්රික්කවල විටින්විට වැසි ඇතිවිය හැකි බවයි.
එමෙන්ම ඌව පළාත සහ අම්පාර සහ මඩකලපුව දිස්ත්රික්කවලත් පස්වරුවේ වැසි හෝ ගිගුරුම් සහිත වැසි අපේක්ෂා කළ හැකි බව සඳහන්.
මධ්යම කඳුකරයේ බටහිර බැවුම් ප්රදේශවලත් මධ්යම, උතුර, උතුරු-මැද සහ වයඹ පළාත්වලත් ත්රිකුණාමලය සහ හම්බන්තොට දිස්ත්රික්කවලත් පැ.කි.මී. 30-40ක පමණ තරමක තද සුළං ඇතිවිය හැකි බවයි එම දෙපාර්තමේන්තුව වාර්තා කරන්නේ.
එසේම හලාවත සිට මන්නාරම සහ කන්කසන්තුරය හරහා ත්රිකුණාමලය දක්වා සහ මාතර සිට හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්රදේශවල සුළගේ වේගය විටින් විට පැයට කිලෝමීටර් 50 සිට 55 පමණ දක්වා ඉහළ යා හැකියි.
එම මුහුදු ප්රදේශ විටින් විට රළු විය හැකි බව කාලගුණ විද්ය දෙපාර්තමේන්තුව සඳහන් කරන්නේ.