අද (26) පෙරවරු 8.00 සිට අඛණ්ඩ වෘත්තීය සමිති ක්රියාමාර්ගයක නිරත වන බව රජයේ වෛද්ය නිලධාරීන්ගේ සංගමය පවසනවා.
වෘත්තීය සමිති ක්රියාමාර්ග 05ක් ඔස්සේ වර්ජනය ක්රියාත්මක කරන බවයි එම සංගමයේ මාධ්ය ප්රකාශක වෛද්ය චමිල් විජේසිංහ මහතා සඳහන් කළේ.
ඒ අනුව,
1.සායන හා බාහිර රෝගී ප්රතිකාර ඒකක තුළ නොමැති ඖෂධ පිටත ඔසුසැල්වලින් මිලදී ගැනීමට තුන්ඩු නිකුත් නොකිරීම
- රෝහල් පද්ධතිය තුළ නැති රසායනාගාර පරීක්ෂණ, පිටත රසායනාගාරවලින් හා පිටත පෞද්ගලික රෝහල්වලින් සිදු කර ගැනීමට තුණ්ඩු නැත්නම් නිර්දේශ නිකුත් නොකිරීම.
- දැනට අනුමත වෛද්යවරු සංඛ්යාව සැපයීමට නොහැකි නම් සහ අනුමත වෛද්යවරු සංඛ්යාවක් අනුමත කරගෙන නොමැති නම් රෝහල් පද්ධතිය තුළ නව ඒකක ආරම්භ කිරීමට අවස්ථාව ලබා නොදීම.
- සමහර අවස්ථාවන්වල දේශපාලනික වුවමනාවට හා දේශපාලනික අවශ්යතාවයන් මත පවත්වන යම් යම් සායන සහ සෞඛ්ය කඳවුරුවලට සහයෝගය නොදැක්වීම.
- යම් රෝහලක, සායනයක සහ බාහිර ප්රතිකාර ඒකකවල රෝගියා පරීක්ෂා කිරීමේදී වෛද්යවරයාට සහයට, සහයක නිලධාරියෙක් ලබා නොදෙන්නේ නම් වෛද්යවරු ඒ ස්ථානවල රාජකාරීවලින් ඉවත් වීම.
යන ක්රියාමාර්ග 05ක් යටතේ මෙම වෘත්තීය සමිති ක්රියාමාර්ගය සිදු කිරීමට නියමිතයි.
