කොටහේන ප්රදේශයේ දී වෙඩි තබා මනුෂ්ය ඝාතනයක් සිදුකළ වෙඩික්කරු අයිස් මත්ද්රව්ය සමඟ අත්අඩංගුවට ගැනීමට කොළඹ අපරාධ කොට්ඨාසය සමත්ව තිබෙනවා.
කොටහේන පොලිස් වසමේදී කාර් රථයකින් පැමිණි පුද්ගලයෙකු විසින් ගිනිඅවියකින් වෙඩි තබා මනුෂ්ය ඝාතනයක් සිදුකර තිබුණේ පසුගිය නොවැම්බර් මස 7 වන දිනයි.
එම ඝාතනය සම්බන්ධයෙන් කොළඹ අපරාධ කොට්ඨාසය මඟින් විමර්ශනයක් ආරම්භ කර තිබූ අතර, ඒ අනුව විමර්ශන නිලධාරීන්ට ලද තොරතුරක් මත ඊයේ (19) හසලක, කොලොන්ගොඩ ප්රදේශයේ නිවසක සැඟවී සිටියදීයි වෙඩික්කරුව අත්අඩංගුවට ගෙන ඇත්තේ.
එහිදී වෙඩික්කරු සන්තකයේ තිබී අයිස් මත්ද්රව්ය ග්රෑම් 12යි මිලිග්රෑම් 300ක් සොයා ගෙන තිබෙනවා.
සැකකරු වයස අවුරුදු 39ක් වන කඩුවෙල ප්රදේශයේ පදිංචිකරුවෙක්.
ඔහු පැය 72ක රැඳවුම් නියෝග මත රඳවා තබාගෙන කොළඹ අපරාධ කොට්ඨාසය වැඩිදුර විමර්ශන සිදුකරනු ලබයි.
