මැදපෙරදිග කලාපයේ පවතින යුධමය තත්ත්වය හේතුවෙන් ශ්රී ලංකාවට පැමිණෙන සංචාරකයින්ගේ සංඛ්යාව සැලකිය යුතු ලෙස පහත වැටී තිබෙන බව සංචාරක නියෝජ්ය අමාත්ය රුවන් රණසිංහ මහතා ප්රකාශ කර තිබෙනවා. ඔහු සඳහන් කළේ මෙම තත්ත්වය හේතුවෙන් සංචාරක පැමිණීම සම්භාව්ය ලෙස 30% කින් පමණ අඩුවී ඇති බවයි.
මෙම අර්බුදකාරී වාතාවරණය හේතුවෙන් ශ්රී ලංකාවට පැමිණීමට නියමිතව තිබූ ගුවන් ගමන් 768ක් අවලංගු කර ඇති අතර, එමඟින් සංචාරක කර්මාන්තයට දැඩි බලපෑමක් එල්ල වී තිබෙන බවද ඔහු පෙන්වා දෙනවා.
සංචාරක කර්මාන්තය නැවත ශක්තිමත් කිරීමේ අරමුණින් මත්තල රාජපක්ෂ ජාත්යන්තර ගුවන්තොටුපළ සංවර්ධනය කිරීම සඳහා සැලසුම් සකස් කර ඇති බවද නියෝජ්ය අමාත්යවරයා සඳහන් කර තිබුණා.
මේ අතර, මැදපෙරදිග අර්බුදය ශ්රී ලංකාවේ අපනයන අංශයටද බලපා ඇති බව අපනයන සංවර්ධන මණ්ඩලය (EDB) ප්රකාශ කර තිබෙනවා. එහි සභාපති මංගල විජේසිංහ මහතා පවසන්නේ ශ්රී ලංකාවේ සමස්ත අපනයන වලින් සම්භාව්ය 8%ක් පමණ මැදපෙරදිග කලාපයට යොමු වන බවයි.
අර්බුදය දිගටම පවතින තත්ත්වයක් ඇතිවුවහොත්, ඉරානයට අපනයනය කරන තේ ප්රමාණයෙන් 35%ක් වෙනත් වෙළඳපොළවලට හරවා යැවීම පිළිබඳව සාකච්ඡා ආරම්භ කර ඇති බවද ඔහු වැඩිදුරටත් සඳහන් කළා.
