දිවයිනේ දිස්ත්රික්ක 25ටම බලපා ඇති ආපදා තත්ත්වය හේතුවෙන් සිදුවු ආපදා මරණ සංඛ්යාව 474ක් දක්වා ඉහළ ගොස් ඇතැයි ආපදා කළමණාකරණ මධ්යස්ථානය පවසනවා.
අද (03) උදෑසන10ට නිකුත් කළ නවතම නිවේදනයේ දැක්වෙන්නේ පුද්ගලයින් 356ක් අතුරුදන්ව ඇති බවයි.
පවුල් 448,817කට අයත් පුද්ගලයින් 1,586,329ක් අයහපත් කාලගුණයෙන් පීඩාවට පත්ව සිටිනවා.
ආපදා කළමනාකරණ මධ්යස්ථානය නිකුත් කළ වාර්තාවට අනුව වැඩිම මරණ සංඛ්යාවක් වාර්තා වන්නේ මහනුවර දිස්ත්රික්කයෙන්.
ඒ මරණ 118ක් ලෙසයි.
මේ අතර නුවරඑළිය දිස්ත්රික්කයේ මරණ 89ක්, බදුල්ල දිස්ත්රික්කයෙන් මරණ 83ක් ,කුරුණෑගලින් මරණ 53ක් හා කෑගල්ලෙන් සහ පුත්තලම දිස්ත්රික්කයෙන් මරණ 29ක් සහ මාතලේ දිස්ත්රික්කයෙන් මරණ 28ක් ලෙසයි වාර්තා දක්වන්නේ.
එමෙන්ම මහනුවර දිස්ත්රික්කයෙන් පුද්ගලයින් 171 දෙනෙකු, නුවරඑළියේ පුද්ගලයින් 73ක්, කෑගල්ල දිස්ත්රික්කයෙන් පුද්ගලයින් 43, බදුල්ලෙන් පුද්ගලයින් 28ක් දෙනෙකු සහ කුරුණෑගලින් පුද්ගලයින් 27 දෙනෙකු මේ වනවිටත් ආපදා හේතුවෙන් අතුරුදන්ව සිටිනවා.