පුද්ගලයින් ලියාපදිංචි කිරීමේ දෙපාර්තමේන්තුවේ (හැඳුනුම්පත් කාර්යාලය) පරිගණක පද්ධතියේ හදිසි තාක්ෂණික දෝෂයක් හේතුවෙන්, එක්දින සේවාව ඇතුළු සියලුම මහජන සේවාවන් අත්හිටුවා තිබියදීත්, අද (27) දිනයේද ජනතාව එම පරිශ්රයට විශාල ලෙස එක්රැස් වූ බව වාර්තා වනවා.
පද්ධති දෝෂය හේතුවෙන් සේවා සම්පූර්ණයෙන් නවතයි
දෙපාර්තමේන්තුව ඊයේ (26) නිල වශයෙන් නිවේදනය කළේ,
පද්ධතිය යථා තත්ත්වයට පත් වන තුරු සියලුම මහජන සේවාවන් අත්හිටුවන බවයි.
එහෙත්, මෙම දැනුම්දීම තිබියදීත්,
අත්යවශ්ය සේවා ලබා ගැනීමට ජනතාව අද අලුයම සිටම පැමිණ තිබෙනවා.
* පසුගිය අඟහරුවාදා සිට සේවා ලබාගැනීමට නොහැකි වූ පුද්ගලයින් විශාල සංඛ්යාවක් පැමිණ තිබෙනවා
* දිගු පෝලිම් සහ අපහසුතා මධ්යයේද ජනතාව තවදුරටත් රැඳී සිටින බව වාර්තා වනවා
මෑත කාලයේදි ඇති වූ ගංවතුර තත්ත්වය හේතුවෙන් හැඳුනුම්පත් අහිමි වූ පාසල් සිසුන් කිහිප දෙනෙකුද ඒ අතර සිටින බව හෙළිව තිබෙනවා.
සඳුදා පැවැත්වීමට නියමිත ක්රීඩා තරඟයකට සහභාගී වීමට,
ඔවුන්ට මෙම හැදුනුම්පත හදිසි අවශ්යතාවයක් බව පවසා තිබෙනවා.
පද්ධති දෝෂයක් හේතුවෙන් සේවා නවතා තිබුණද,
ජනතාවගේ අත්යවශ්යතා සදහා ඉක්මනින් ක්රියාත්මක වන පරිදි යම් පියවරක් ගතයුතුව තිබෙනවා.
