අද (28) උදෑසන පැලවත්ත, අකුරේගොඩ ප්රදේශය උණුසුම් තත්ත්වයකට පත්වූයේ නව ජනතා පෙරමුණ ක්රියාකාරීන් විසින් සංවිධානය කළ විරෝධතාවයක් හේතුවෙනුයි.
මෙම විරෝධතාවය සිදු කර ඇත්තේ මුදල් ලේකම්වරයා වන හර්ෂණ සූරියප්පෙරුම මහතාගේ නිවස අසලදීයි. විරෝධතාවයට නායකත්වය ලබා දුන්නේ සුගීෂ්වර බණ්ඩාර මහතායි.
විරෝධතාවයට හේතුව වූයේ මෑතකදී මහා භාණ්ඩාගාර අරමුදල්වලින් ඇමරිකානු ඩොලර් මිලියන 2.5ක් අනවසරයෙන් හරවා යවා ඇති බවට වාර්තා වූ සිද්ධියට විරෝධය පළ කිරීම අරමුණු කරගෙනයි.
විරෝධතාවය අතරතුර හදිසියේ උණුසුම් තත්ත්වයක් ඇතිවූ අතර, කිහිපදෙනෙකු විසින් විරෝධතාකරුවන් වෙත පහර දීමට සැරසී, සුගීෂ්වර බණ්ඩාර මහතා ඇතුළු පිරිසකට ගව ගොම විසි කළ බව වාර්තා වනවා.
එමඟින් කණ්ඩායම් දෙක අතර ගැටුම් තත්ත්වයක් ද ඇතිවී ඇති අතර, එය මාධ්ය කැමරා වලද සටහන් වී තිබෙනවා.
තත්ත්වය තවදුරටත් උත්සන්න වීමත් සමඟ පොලිසිය වහාම එම ස්ථානයට පැමිණ, තත්ත්වය පාලනය කර සාමය යථා තත්ත්වයට පත් කිරීමට කටයුතු කර තිබෙනවා.
දේශපාලන විරෝධතා සාමකාමීව පවත්වාගෙන යාම ප්රජාතන්ත්රවාදයේ මූලික අංගයක් වන අතර, එවැනි අවස්ථාවල ප්රචණ්ඩත්වය වැළැක්වීම සියලු පාර්ශවවල වගකීමකි.
